top of page

Curaplus a risibí donashon serka Fundashon Plòns Kòrsou

WILLEMSTAD - Fundashon Plòns Kòrsou (FPK) a hasi entrega di chèk na Curaplus Sexual Health Foundation (Curaplus) pa nan por sigui yuda i guia e personanan ku ta HIV/AIDS positivo. Curaplus ta eksistí pa mas ku 15 aña i ta un di e organisashonnan ku ta hopi aktivo riba e tereno di HIV. Un di e servisionan ku e organisashon aki duna ta konsulta na entre otro personanan ku kier kometé suisidio debí ku nan a tèst positivo pa HIV-Aids. Alabes nan ròl ta pa sigui duna informashon i konsientisá nos komunidat tokante e problemátika di HIV-Aids. Ku e donashon di Fundashon Plòns Kòrsou, Curaplus por kuminsá hasi tèst rápido di HIV, ku ántes tabatin bon resultado serka e personanan ku ta aserka e organisashon.


Curaplus ta konsistí di a 24 boluntario ku ta traha di djaluna pa djabièrnè i tambe un support group ku ta aktivo durante wikènt so. Por sigui Curaplus su programanan informativo di djaluna pa djaweps di 7or pa 8or di anochi via nan página di FB (Curaplus Sexual Health Foundation) i un ripitishon riba Youtube (Curaplus).


Di e forma aki Fundashon Plòns Kòrsou kier sigui enkurashá tur persona i instansia ku kier hasi un donashon mensual òf den un tiru pa tuma kontakto via wèpsait: fundashonplons.com òf na number di telefòn 511-5853.


Pa mas informashon por sigui Fundashon Plòns Kòrsou via página di FB òf Instagram pa bo keda na altura riba e desaroyonan tokante e tópiko di HIV-Aids.

21 weergaven0 opmerkingen

Comments


bottom of page