Willemstad 28 di yüni 2022 - Fundashon Plòns Kòrsou (FPK) a risibí un donashon di 50k euro durante e veiling ku a tuma lugá na Amsterdam diner 2022. Amsterdam diner ta un organisashon ku tur aña ta organisá e evento aki pa rekouda fondonan pa yuda ku diferente proyektonan ku ta yuda pa kombatí e problemátika di HIV/Aids ront mundu. Durante di e diner presidente di FPK Harley Offerman a dirigi algun palabra na e publiko presente tokante e importansia pa tin sufisiente fondo pa por sigui yuda esnan ku mester di e yudansa.
E aña aki Fundashon Plòns Kòrsou a haña e oportunidat pa por a forma parti di e veiling i a rekouda un kantidat di 50k euro.
FPK tin 3 proyekto importante pa kuminsá kuné pa por yuda ku e problematika di HIV/Aids na Kòrsou. FPK a skohé e proyektonan basá riba e nesesidat ku ta biba bou di e oraganisashonnan Cura+, Salú pa tur i Famia Plania.
Konsientisá muchanan riba e topikó di HI/Aids
Minimalisá/ Eliminá e tabu di HIV/Aids na Kòrsou dor di konsientisá e komunidat i pone mas tantu informashon posibel disponibel
Tratamentu i remedi pa indokumentadonan
Esakinan ta 3 di hopi proyektonan ku FPK mester a skohé pa kuminsá kuné. Lamentablemente ahinda e tópiko di HIV/Aids ta algu ku mayornan, famianan, amigunan i konosinan no ta papia over di dje ni buska informashon konkreto pa informá nan mes di e desaroyonan ku tin riba e tópiko super importante aki.
P’esei FPK kier invitá bu pa bishitá e website fundashonplons.com ku nan a desaroyá den 4 idioma. Espesialmente den papiamnetu pa tur persona por kompronde i informá nan mes bon.
FPK ta sumamente kontentu ku e donashon ku nan a risibí pa por kontribui na un mihó bida i eksperensia pa e pashèntnan ku ta HIV positivo.
Comments