Lantamentu di e Fondo di Mobilisashon.
Ku e proyekto aki, nos ke fasilitá e mobilidat di pashèntnan ku físikamente of ekonómikamente no por yega na e sitio di tratamentu, y of atendé na reunionnan / seshonnan di informashon.
Ku lantamentu di e fondo aki, nos lo ke pone e personanan aki den un posishon pa por akudí na e sítanan di kontròl nesesario.
Asin'aki nos lo por sòru pa e pashènt nan aki no kai for di e trayekto di tratamentu, ta hana nan remedinan, asinda drechando kalidat di nan bida. Además lo ta un oportunidat pa komuniká / interkambiá ku e pashèntnan aki. Nos sa ku hopi di nan no ta konsiente di e importansia di tuma trato y remedi, y ta stop di tuma trato pa motibunan eksterno. Durante e kontaktonan aki, Fundashon Plòns lo por kanalisá nan trato na un manera mas efikás, y pa pone nan den un posishon di por hana trato adekua.
Meta.
Lo lanta un “fondo di mobilidát”, di manera ku pashèntnan ku no ta hañando tratamentu, of ta menasá di kai for di e trayekto di kuido, por laga trata nan mes, of haña informashon na e sitio indiká y korekto.
Detayenan di proyekto
Ku e proyekto aki, nos ke fasilitá e mobilidat di pashèntnan ku físikamente of ekonómikamente no por yega na e sitio di tratamentu, y of atendé na reunionnan / seshonnan di informashon.
Bo ke mas informashon tokante e proyekto aki, y kon nos lo efektuá e metanan aki, gustosamente nos lo suministra / komparti tur informashon rekerí ku bo.
Planifikashon
di proyekto.
Después di varios investigashon / estudio bou di pashèntnan, nos a hana bastante informashon ku a bini dilanti DIKON pashèntnan no ta sinti nan mes konfortabel, banda di e falta di informashon pa sali afó ku nan diagnóstiko, y hopi bia motibunan di índole práktiko, manera transport pa yega hospital y bai kas bek. Tin kaso konosí di hende ku mester kana na pia mitar dia pa por yega hospital.
Hopi di nan mester wordu saka for di e isolashón ku nan a hana nan mes aden pa motibu di nan kondishon, y kontakto ku mas pashènt meskos ku nan, y trahadornan den kuido sosial, ta benefisioso pa nan tur. Pero mester di transpòrt pa hasi esaki. Preferibel no un outo ku asin'un stikker grandi riba dje, pasobra e tópiko aki ya kaba ta unu masha sensitivo.
Transporte lo por wòrdu reglá mediante kompaníanan eksistente ku por buska y hiba pashènt, of por ehèmpel suministrando karchi pa transporte públiko na e pashènt.