top of page
Chips%20eten-01_edited.jpg
Banner_Red_Transparant-02-01.png

​

Proyekto Fundashon Plòns Kòrsou

​

Yudansa sikológiko pa pashent.

Yudansa sikológiko pa pashènt.

HIV/Aids ta okashoná un karga sikológiko pisá. Personanan ku ta sufri di HIV òf Aids ta sufri di depreshon i miedu pa por ehèmpel un pronóstiko di bida mas kòrtiku ku normal, un régimen di tratamentu ekstenso, stigmatisashon i pèrdida di apoyo sosial di famia of amigunan. 

Meta.

E infekshon por wòrdu vinkulá ku un riesgo haltu di suisidio òf intento di suisidio. tambe nan ta suseptibel pa kombinashon di diferente malesanan sikológiko manera uso di supstansia, depreshon i falta di speransa. Depreshon por varia di kondishonnan leve te hopi serio. E síntomanan aki por influensiá bo bida. Pa evitá esaki nos mester di yudansa di profeshonalnan den kuido di salú mental den seshonnan tantu individual komo den grupo, usando téknikanan adaptá na nesesidat di kada pashènt. Nos sa ku un bon salú mental ta esensial i ta yuda un pashènt pa biba un bida riku. Pa por yuda pashèntnan kontrolá nan estado mental, ta importante pa nos sa na ki momento, kon i unda bo por haña yudansa.

Detayenan di proyekto

Ku yudansa di un proseso sikológiko, guiá pa un profeshonál den salú mentál, nos por drecha kalidát di bida, eliminándo mal kustumbernan, respondiendo y solushonando  pregúntanan di e pashènt, y drecha relashonnan interno y eksterno sosiál, familiár y bida konyugal/kasá.

​

Bo ta interesá pa apoyá e proyekto aki? Den e kaso ei, djis manda nos un mensáhe, y gustósamente nos lo tuma kontakto ku bo, y proveébu un plan di proyekshon mas ámplio, akompañá pa e presupuesto.

Planifikashon 
di proyekto .

Lo traha un plan di tratamentu terapéutiko individual di kada pashènt i lo tin seshonnan den grupo tambe pa pashèntnan por interkambiá nan eksperensianan i esei ta yuda nos studia kiko e pashènt ta pensa, kon e ta pensa i e pakiko e ta pensa asina ei. 


Traha den grupo ta fasilitá diskushon i ta aktivá partisipantenan pa duna nan komentario i opinion, asta riba tópikonan ku ta wòrdu konsiderá tabú, generando un gran kantidat di testimonio. 

Si esei ta nesesario, por organisá seshonnan di terapia familiar pa determiná e interakshon di kada pashènt ku su famia den su propio ámbito familiar. E seshonnan aki ta varia di 1 pa 2 ora di durashon, dependiendo di e nivel di e grupo. 

bottom of page